وش يعني Red Team و Blue Team؟

في عالم الأمن السيبراني، كثير نسمع عن “Red Team” و “Blue Team”، وهم مو فرق تنافسية ولا للعرض، بل فرق متخصصة كل واحد له دور مختلف في حماية الأنظمة.

Red Team يتصرف كأنه هكر حقيقي، ويحاول يكتشف الثغرات ويسوي هجمات تشبه اللي تصير فعليًا.
أما Blue Team، فشغلهم الدفاع، يراقبون النظام ويتعاملون مع أي محاولة اختراق.

الهدف مو إنهم يتنافسون، بل إنهم يشتغلون مع بعض عشان يختبرون النظام ويتأكدون إنه جاهز لأي تهديد ممكن يصير.

وش هدف كل فريق؟

• Red Team هدفهم يختبرون قوة النظام، يدورون على الثغرات، ويحاولون يستغلونها عشان يثبتون إن النظام قابل للاختراق.
• Blue Team هدفهم يحافظون على استقرار النظام ويمنعون أي محاولة اختراق أو دخول مشبوه.

كل فريق يمثل جهة مختلفة من الهجوم والدفاع، وهذا يعكس الواقع اللي يصير كل يوم في عالم الأمن السيبراني.

خطة Red Team في الاختراق؟

يشتغل بعقلية الهكر الحقيقي. هدفهم يختبرون مدى قوة حماية النظام عن طريق استخدام نفس الأساليب اللي يستعملها المهاجمين الواقعيين.

ومن أبرز طرقهم:

• Reconnaissance: يجمعون معلومات عن الشركة، الشبكة، المستخدمين.
• Exploitation: يستخدمون الثغرات الموجودة في الأنظمة أو التطبيقات.
• Social Engineering: يحاولون يخدعون الموظفين برسائل Phishing أو مكالمات مزيفة.
• Privilege Escalation: إذا دخلوا النظام، يحاولون يوسعون صلاحياتهم ويتحكمون بأكثر من جهة.
• Lateral Movement: ينتقلون من جهاز لجهاز داخل الشبكة عشان يوصلون لمعلومات حساسة أو أجهزة رئيسية.
• Persistence: يحاولون يثبتون وجودهم داخل النظام حتى بعد ما يتم اكتشافهم (مثلاً باستخدام backdoors أو scheduled tasks).

اللي يميز Red Team إنهم ما يعتمدون فقط على الأدوات، بل يفكرون بطريقة مبتكرة ويحاولون دائمًا يسبقون الفريق الدفاعي بخطوة.

دور Blue Team في الدفاع والحماية

هو خط الدفاع الأول، ومهمته يراقب الأنظمة بشكل مستمر ويتعامل مع أي تهديد بسرعة واحتراف.
وشغلهم ما يقتصر على رد الفعل بس، بل يشتغلون بشكل استباقي، يعني يحاولون يكتشفون الهجمات قبل تصير ويتصرفون قبل لا يضر النظام شي.

• Monitoring & Logging: يراقبون كل نشاط بالشبكة ويتابعون السجلات لحظة بلحظة.
• Incident Response: يتدخلون فورًا إذا صار اختراق، ويعالجون الوضع باحتراف.
• Threat Detection: يراقبون أي نشاط غير معتاد ويحاولون يكتشفونه قبل يتحول لهجوم فعلي.
• System Hardening: يقفلون أي منفذ أو ثغرة ممكن يستخدمها المهاجم، ويضبطون إعدادات الأمان بدقة.
• User Access Control: يضبطون صلاحيات كل موظف بحيث ما يقدر أي مخترق يتوسع داخل الشبكة حتى لو اخترق حساب واحد.

أدوات وتقنيات يستخدمها كل فريق

كل فريق له أدوات وتقنيات يعتمد عليها في شغله، سواءً في الهجوم أو الدفاع. وهنا نعرض لك بعض الأدوات الشائعة، بس خل في بالك إن الأدوات تختلف حسب نوع التمرين، بيئة العمل، أو هدف الهجوم/الدفاع. القائمة اللي تحت مجرد أمثلة على أشهر الأدوات، مو كل شي.

🔴 Red Team Tools:

يعتمد على أدوات متخصصة تساعده في جمع المعلومات، استغلال الثغرات، والهجوم على الأنظمة، ومن أشهرها:

• Metasploit – منصة معروفة لاختبار الاختراق واستغلال الثغرات.
• Cobalt Strike – أداة متقدمة للهجمات المعقدة وإدارة جلسات post-exploitation.
• Nmap – أداة مسح الشبكات واكتشاف الأنظمة والخدمات.
• Burp Suite – تحليل واختبار أمان تطبيقات الويب.
• Social Engineering Toolkit (SET) – أداة مخصصة لتمثيل هجمات الهندسة الاجتماعية زي التصيد.

🔵 Blue Team Tools:

يعتمد على أدوات تكشف وتحلل وترد على التهديدات بسرعة، ومن الأدوات المهمة:

• SIEM systems (مثل Splunk أو ELK) – لجمع وتحليل سجلات الأنظمة ومراقبة النشاطات.
• Antivirus / EDR – لحماية الأجهزة وكشف التهديدات على مستوى endpoint.
• Firewalls – جدران نارية تتحكم بحركة البيانات وتمنع الدخول الغير مصرح فيه.
• IDS / IPS – أنظمة تراقب الشبكة وتكشف وتحبط أي محاولة تسلل.
• SOAR – أنظمة تنظم وتسرّع الاستجابة الأمنية وتربط بين الأدوات المختلفة.

Red Team و Blue Team إذا صاروا فريق واحد

رغم إن Red Team شغلهم يهاجم و Blue Team شغلهم يدافع، إلا إن أقوى نتيجة تطلع لما يشتغلون كفريق واحد، مو كخصمين.
هنا يجي مفهوم “Purple Team” — وهو مو فريق مستقل، بل طريقة عمل تجمع بين الهجوم والدفاع في وقت واحد.

إذا صار فيه تعاون مباشر بينهم:

• Red Team ينفذ الهجوم ويكشف الثغرات الحقيقية.
• Blue Team يراقب الهجوم لحظة بلحظة، ويتعلم كيف تم الاختراق، وبعدها يشتغل على سد الثغرات وتحسين النظام.

الفكرة إن كل فريق يكمل الثاني، والتجربة تصير غنية أكثر من مجرد “واحد يهجم والثاني يرد”.
بهذا التعاون، تقدر المؤسسة توصل لحماية أقوى، وفريق أمني أذكى، وجهوزية أعلى لأي تهديد سيبراني.

مقارنة Red Team vs Blue Team

المراجع

Red Team vs. Blue Team Cybersecurity: They Can Help Your Business
Red Team vs Blue Team in Cybersecurity